بسم الله الرحمن الرحيم
مدّيت كفي للوصل ماقصــرته
لا مانسيت الود لو كنت ناسيـــه
واللي مضى من عشرتك مانكرته
دام الوفاء طبعي فلاني مخليـه
في ذمتك تقوى الهجر لو طلبتـه
هو أنت قصدك تختبرني بطاريه
إلا الهجر ياصاحبي ماقدرتــه
الهجر بحر ما ترسـي موانيـه
أرفق على قلبٍ بحبك أسـرتـه
الموت أهون من فراقه لغاليـه
ولاتنسى عهدٍ لك بحبي قطعتـه
مد الوصل لصويحبك لا تعنيه
وانسى كلامٍ من عذولي سمعتـه
والله ماغيرك من الناس أغليه
رمح الفراق اللي بقلبي طعنته
لو تلمسه بيديك طابت محانيه
[b]
