أخطيت يوم أني طلبتك حنانك
لا صرت فاقد شي وشلون تعطيه
مهما نطقني بالمشاعر لسانك
شياً بدون أحساس ما أقتنع فيه
إحساسك المصنوع خنته وخانك
كاملتني به وأنت تجهل معانيه
مني نصيحه تنفعك في زمانك
إلاّ شعورك لا تبيعه وتشريه
كانك تقدر قيمة الحب كانك
اللي يودك لاتحاول تعنيه
ياكثر ماحبك فؤادي وصانك
مع كثر ماتبعد كنك تناديه
أنت أمانه خوف والخوف أمانه
ماكل من راعاك تقدر تراعيه
حتى ولو عليت بالقلب شأنك
تبقى يتيم الحب جرحي أقاسيه
أعذرك لو حطيت نفسي مكانك
لاصرت فاقد شي وشلون تعطيه
