بين هم وبين الم هذا مكاني

بسم الله الرحمن الرحيم
اليوم يبت لكم كلمات في غاية الروعة

بس انشاء الله تنال اعجابكم

بين هم وبين الم هذا مكاني
الله خالقني عشان اني اعاني

العمر يمشي وانا بلحالي واقف
واعتقد اني بزمن ما هو بزماني

حتى اهلي حتى اصحابي وربعي
صرت احس اني معاهم شخص ثاني

لازم اجامل عشان اكسب رضاهم
وابتسم واضحك ولو ضحكي ثواني

والمصيبة وين انا والضحك وينه
بيني وبينه مسافات ومواني

كيف اضحك وانا من سنتين ميت
ما بكاني حد بس واحد بكاني

ذاك ياللي يوم اشوفه كنت افرح
لني ادري صدق من قلبه هواني

اذكر انه كان وافي كان طيب
ما شكيته لحد ولا عمره شكاني

واذكر انه كان مذهل في جماله
واذكر اني كنت في حبه اناني

واذكر انه كان هو مالي عيوني
من جميع الناس احساسه كفاني

واذكر انه كان يحفظ كل قصيدي
وكان هو بالذات يحب .. موت الاماني

واذكر انه كان يامرني والبي
يمشي امره لو طلب اصغر اخواني

واذكر اني كنت احبه موت والله
ما نسيته فيوم ولا عمره نساني

لكن الاقدار كانت حيل اقوى
ما مداه يعيش قربي وما مداني

راح وخلا الدنيا واللي فيها كلهم
وما كذب من قال انه العمر فاني

راح وخلا فقلبي اجمل ذكرياته
ضحكته..طيفه..خياله..وشي ثاني

راح وخلا دمعي باين في عيوني
منهو بعده يقول.. صح الله لساني

من بعد ما راح منهو اشتكي له
يا عذابي..يا مصابي..يا هواني

كم سهرت الليل اكتب له قصايد
ولعيونه كنت انا أألف أغاني

من بعد ما راح يا ثقل القصايد
ما بقى فيها بعد عينه معاني

الله يا ربي عسى يغفر ذنوبه
وأعظم ذنوبه هوايه مع حناني

ادعي الله يا عسى الفردوس داره
ويا عساه يكون في الجنات هاني

العمر يمشي وانا بلحالي واقف
واعتقد اني بزمن ماهو بزماني

بين هم وبين الم هذا مكاني
الله خالقني عشان اني اعاني

وسلامتكم

من كلمات الشاعر المبدع طارق المحياس

تسلمي وإلى الامام

يسلموو الكللمات الحلوه قصيده ماتحتاج وان شالله كل جديد