ليش اهلنا هم اللي يتحكمون بنا ...

بسم الله الرحمن الرحيم



السلام عليكم ورحمة الله وبركاته.........






ليش حنا كذا ..؟؟؟






ليش اهلنا هم اللي يتحكمون بنا ...

بكل شي يتحكمون بنا ...


شوفوا ..نمسك شي شي ..


اول شي....

ولدونا ..ماشاورنا ..على كيفهم ...حملت بنا امنا ..وولدتنا ..


ليه مايسألوننا ..مايقولون ...


بعدين ..

سمونا ..ياربي حتى الاسم وهو الاسم بكيفهم ...حتى .. رمز الانسان او الشي الوحيد اللي يملكه ..هو لحاله ..يتحكمون به ..


بعدين ..

وحنا صغار يربونا على كيف كيفهم ..لاتقولين كلام وصخ ..لاتاكلين بيدتك وتحوسيننا ..لا تطلعين للشارع ..لا ..لا ..


بعدين ..


دخلونا للمدرسه ..
ماقالوا تبي تدشرين ...بكيفك ..تشحذين ..يعني العلم شي راجع للانسان ..نبي نتعلم ولا كيفيك ماتبين ..

..وبهالمدرسه..
وكرف ولعنه جدف ...واذا نجحنا
بزعمهم وين ...ان جابوا ماورا اذانهم ..


شروا هديه نجاح ان ماقدروا اعطوك نجاحه فلوس يعني ...


بعدين ...

ووننجح ...وونتخرج من المدرسه ...يالله عاد الحين الجامعة ...طيب مابي ...

الا لازم ..ومن العناد الزايد ...يوفرون لنا كل شي سيارات تودينا وتجيبنا ..





وحتى اذا مرضنا ..

طااروا بنا للهالمستشفيات ...طيب ..كيفي ابي امرض ..انا ومرضي من دونكم ..



وو...وو...................و........و.... .......... .....الخ ..

مانخلص منهم هم وتحكمهم ...ساااااالفه طويله ...


















يـــــــاكثر مااسمع هالموال ..
يـــــاكثر ماتجي بنت تعصر دموعه عندنا وامي اخذت جوالي سمعتن اكلم بالليل اهيء اهيء

والا تجي معصبه على الآخر .. ليش وشبك عسى ماشر تقول ابوي قطع الدي اس ال قال ايييه قال اختبارات ابيكم تشدون حيلكم ..

طيب ياغبيه انتي واياه .. شغلي هالمخ المتنك شوي ..
طلعيه من هالمخزن الي تعفن وهو داخله ..

ليش اهلك يسوون معتك كذا ؟؟
يكرهونك مثلاً ؟؟ مايبونك مثلاً ؟؟

ترى ياعزوتي محد جابرهم من يوم انولدتي الين صرتي بهالعمر ..
بدول ثانيه ان جيتي غصبن عنهم جدعوك بااقرب ملجأ .. وان كبرتي وكثرت طلباتك يقولون لك الباب يابعدي ..
والا يزوجونك اقرب راعي ( مهو راعي بلاوي لا راعي غنم )

بدول ثانيه ماتاصلين خمس سنين الا تدفعين ايجار سريرك ..
والا تكرفين بهالبيوت عشان تشترين لروحك خبزه !!

متى نكبر ؟؟
متى نعقل ؟؟
متى نحس .. متى نثقل ؟؟

متى نشوف بعين الأم ؟؟
متى نحس بشعور الأب ؟؟
ليش ندور على الهم ؟؟
طول الوقت مكتئبين ..
مانشكر بس نّسب ْ !!

ليه مانلتفت شوي ..
يمين ويسار ..
نشوف الذل والإهانه ..
نشوف الظلم بألوانه ..
نشوف الموت وهو يصبّح على الأطفال ..
نشوف الفقر وهو يقتل احلام اجيـال ..

ومع هذا نبكي ونلطم ..
خلونا نبي نرتاح .. نبي نعيش على هالكيف ..
نبي الحريّة ..
ماندري ان الحريّة .. هي هالعلم الأخضر .. ونخله وسيف
وقلب أم بنا تهتم ..
وقلب أب منه نتعلم ..
وقلب أخ لزعلنا يتألم ..
وقلب مجتمع يحفظنا .. ويحافظ علينـــا ..



وربي اننا بنعمه بس ياليت نصحى شوي على اعمارنا ونشوف زييين