كيف؟ تنساني

كيف؟ تنساني وانا اصلاً لو نسيت ..
أنسى خلق الله عشانـك واذكـركـ ..

كيف؟ تجفاني وانا مهمـا جفيـت ..
مستحيل انسى وصالك واهجـركـ ..

من لمحتك في عيونـي ماختفيـت ..
دايـم وعينـي تشاهــد منـظـركـ ..

انت تدري ؟ وإلا توّك مادريـت؟ ..
مستعد اخسـر كيانـي مخسـركـ ..

والله إنك لو على قلبـي خطيـت ..
كثـر ما تخطـي تـرانـي بعـذركـ ..

لكن ارجع لـي ترانـي انتهيـت ..
مقدر اقضي كل عمـري انطـركـ ..

صرت احبك حتى لو عيبك قسيت ..
من كبيرك صرت احبك لأصغـركـ ..

كم على شانـك تعذبـت وشكيـت ..
رغـم هـذا مانـي قـادر انـكـركـ ..

والله إنـي ماتوقعـت وهقـيـت ..
اقدر العالم ! وعاجـز لا أقـدركـ ..

اشعر انك معي ماعمـرك وفيـت ..
بس اكـذب واقعـي واستشعـركـ ..

ليه تبخـل ؟ ياحبيبـي ماعطيـت ..
وإلا هو تأكيـد حبـي غـيّـركـ ؟ ..

ليـه تهـدم ؟ ياحبيبـي ما بنيـت ..
يعني قلي ألى متـى وانا اعمركـ ..

كلي اشقى وانـت بالدنيـا لهيـت ..
تسمر وتلهى وانـا دوم اسهـركـ ..

انقهر وآغيض واسكت ماحكيـت ..
حالتـي حـالـه وعـيـت تقهـركـ ..

في شعورك كنك البحـر المميـت ..
و المحبـه تجبـر أنـي أعـبـركـ ..

حس فيني دامنـي فيـك ابتليـت ..
والبـلا حلـه تـرى ما يعسـركـ ..

القصايد عنك تكتـب بيـت بيـت ..
اكتب احساسي وثرني اشهـرك ! ..

والنهايه كانك على الصد نويت ..
أنت خسران وأنا ما راح أخسركـ ..