عاشق ولهان
دار بيه الزمان
يقاسى فى جراح
ويداوى فى الام
قلبه الشباب
من الفرقه شاب
حبه الوحيد
ضاع فى الزحام
تاه منه الطريق
وغابت الافراح
لا عاد فى حبيب
لا عاد فى اخلاص
عاش فى الخيال
عاش مع الاحلام
يستنى يرجع تانى
يدور بيه الزمان
ويدور بيه الزمان
ما يلقاش غير الاحزان
فى القلب ساكنه غربه
والروح وحيده دايبه
عشقت عيونه الدموع
خنفت كلامه الاهات
من اليأس مفيش رجوع
الكلام بقى زى السكات
عاشق يتمنى موته
ما بقاش فى كتير يفوته
ما بقاش فى الدنيا عنده
شىء يستاهل حياته
واستنى يدور الزمان
مسيره يغير الفال
بكره تلاقى الامان
فى حضن مليان حنان
بكره الشباب يعود
لو تفتحله البيبان
بكره يدور الزمان
وتعود عاشق ولهان
الحب يملا كلامه
والشوق بناره يناديه
واستنى
استنى
استنى
ده القلب لسه نونو
ما تستعجلش الفطام[b]
