قهرتيني

غصب عن كل نبرات الوفا قلبي غدا غدار
وفي عون الزمان الي جحدني صرت ناكرني

انا ياقلبي الي من قساوة حالتك احتار
اذل الروح في وصلك او انسى من تناساني

انا وين الوعود الي لجل غيري غدت تذكار
انا ادري بدلك وقتك وضميرك عاف عنواني

اشوف الضحكة بعينك وعيني دمعها بي نار
خذاك الكبر بغرورك وقلتي فلان يكفيني

نسيتي من حفظ سرك وشالك من شبك لأشرار
ووقف في وجيه الكل حتى من لك اخواني

تغرك دنيتك فيني وانا من علمك تختار
وبدون احساس يانوره لجل غيري قهرتيني

انا وين اشتكي حالي لربي العالي الستار
يداوي قلبي المجروح وفي غيرك يعوضني

ولا ودي بعد هاليوم اجي لك عاني المشوار
وخلك في عيون الي من اجله يوم بعتيني

ولاكن من ظلم انسان يجي يوم ويذوق النار
وتذكر قولتي لاضاقت بك الدنيا وذكرتيني

وخرت دمعت عيونك ولامك قلبك المحتار
وجيتي لذكرياتي ولحروفي وما لقيتيني

اتمنى حروفي ما تكون ثقيله عليكم