الصاحـب الـلي مابقـى غـير طـاريـه
مـحـفـوظ قــدره لـو حـدتــه اللــيالـي
له مده غاب وياعسى خير وش فيه
طــول غــيابـه حـــيل وانـهــد حــالــي
مـكسـور خـاطـر والحـزن قـام يرثيـه
من كـبر حـزني حـتـى حـزنـي اوالـي
لـو كـان يـدري بـحالـتي يـوم احـاكيه
قـدر شـعــوري حــزة يـضــيق بـالــي
لـــه بالغـــلا حــق ً عـليــٌه اوفـيــــه
مـن قـبل يثمـر فـي خـفوقـي خــيالي
مـلكــني بطــيبه وانـا جــيت شـاريـه
من يوم اصـبح باللقاء راس مـالـي
نبرة حـزن خـطـت قـصـايـد تنــاديــه
لـعــل يلـفـي عـقـبـها اللـي طــرالي
صحيح غاب ولا بقـى غـير طـاريـه
لكن عسى الله يعيـن كـل مـاطرالي
.•*´¯`*´¯`*•.
يا رياح الحب وديله رسالـــــــــــــه
وذكريه ان كنت عن فكره بعيــــــــد
بلغيه ان المنى لحظة وصالــــــــــه
خبريه ان السعد شوفه سعيــــــــــد
الحبيب اللي يحيرني جمالـــــــــــــه
كل يوم يمر حبي له يزيــــــــــــــــــد
اشهد ان القلب من يمي صفالـــــــه
واكتسى بالصفو الوان الجليــــــــــد
وثق احساسي بحبه في حبالــــــــــه
مستحيل بيوم عن حبه يحيـــــــــــــد
هو شبيه البدر لا تم اكتمالـــــــــــه
اشهد انه بالحلا شخص فريـــــــــــد
حظ من يصبح بهالدنيا حلالـــــــــــه
اشهد انه بالهوى رايه سديــــــــــــد
ما يلاقي مثل طيبه او دلالـــــــــــــه
لو يعيش العمر من اول جديـــــــــد!
.•*´¯`*´¯`*•.
تدلّل يـا هـوى بالـي تدلّـل
وهوجن وانزف اشواقك قصايد
تـزوّد فـي هوايـه لا تقَلّـل
ومَحْد(ن) في هوايه لك يزايد
وسافر في فضا قلبي.. تخلّـل
عروق الحبّ عنها لا تحايـد
إذا شافَتْك عينـي بـك تهلّـل
واذا فارقت يااا رَوْعَ الفقايـد
أصوغ الشّعْر وحروفي تذلّـل
لجِل عينيك وانضمهـا فرايـد
فرايد عشق في صيد(ن) تسلّل
وسط جوفي ويا زين المصايد
تدلّل واشرح القلـب المعلّـل
وانا بلْبِِسْك من شوقي قلايـد
وعيد الحُبّ مِنهِ البعض قلّـل
وانا في كلّ نبضي لك أعايـد
.•*´¯`*´¯`*•.
قلبي لشوفك كم يفز وينصدم بضــــــــلوعه
يتشتت شعوري ويصعب يا ضنيني رجاعه
محبتك لا هي بمنحوته ولا مطــــــــــبوعه
تسري بدمي ثم تغذي لي الجسم باجماعه
نفسي من بعادك تراها يالغلا مـــــوجوعه
من هو يحس بحالـــة محبٍ تزيد أوجاعه
.•*´¯`*´¯`*•.
جيت انا أكتب والورق صار مفقود
واخذت حبري دمع واوراقي خدّي
وسطرت كلماتٍ لجل ناعم العود
اللي عطيته كل حناني وودّي
اللي خذا مني مواثيق وعهود
واللي على شاطيه جزري ومدّي
يا صاحبي وإن قلت ياصاحبي عود
ارجوك عود وخل خزني يعدّي
ياصاحبي والهرج مافيه منقود
اشتقت لك والشوق ماهو بيدّي
تخيل اقعد ليلي وناسي ارقود
ومن السهر ياولفي بحيت سدّي
تبيني افهق لك ضلوعي بعد زود
ماودي تشوف الذي يهد هدّي
آمال واحلام وطموحات ووعود
وجروح صد وشي يجيب ويودّي
تعال يمي يابعد كل الوجود
وشوف حالي كيف مايفيد عدّي
.•*´¯`*´¯`*•.
ياللي غرامك ثابت" في مكانـه
مستوطن" مابين حدب الضلوعي
يضماك قلبٍ يرتوي من حنانـه
اضما على شوفك وتضما سموعي
لي مدة" مالي مع النـاس خانـه
امشي مع العالم وقلبي جزوعـي
علامة الجوده وختـم الضمانـه
ضمانها قلب" يعانـد خضوعـي
حبك بقلبي صار مثـل الآمانـه
وانا الوديع اللي تحدا الجموعـي
.•*´¯`*´¯`*•.
رسمتك يالــغلا لوحه تحيّر عين ناظرهـا
عشقتك يالغلا والله عساك اليوم تفهمنـي
اداري حبها الصافي اداري دوم خاطرهـا
ابيها تجدد الفرحه تعــيش العمـر تذكرنـي
سحرني طيفها العابر وقلبي دوم ذاكرهـا
فداها الروح وسـنينه فداها شعر يكتبنـي
ترى هالصدق يكسيها يزيّن دوم حاضرها
اضمه حيل واسلابه عــساها بس تحضنـي
اشوف الكون بعيونه ترى هالقلب خابرها
يعيش اليوم بــوجــوده فـراقـه دوم يتعبنـي
غزال ٍ نادر ٍ يشفي جــروح ٍ كنت داثرهـا
غلاه يزيد ماينقص اشوفه كيف يسلبنـي
به الامثال ماتــوصــف حلاة الشي نادرهـا
بيوت الشعر توصفها حضوره بس ينصفني
يمر الوقت من عمري انا ويـاه لآخرهـا
وفاي اليوم اهديها بهمسه بـس فرّحنـي
ابيها تسكن بروحي تشارك نبض شاعرها
ترى العذال ماتـرحـــم تزيد النـار تحرقنـي
حياتي وردة ٍ فــاحت ربيع العمر ساترهـا
دعيت الله يحفظها اخاف الناس تحسدنـي
