اها الليلة اخترت لكم:
- قراصة بالدمعة
- سجك
- بيض مسلوق
-طعمية
- وسلطة خضراء
بجانب التحلية
اما العصائر:
طبعا عشان خاطر اخوى الدنقلاوى وطلبه ح ازيد كمية العصائر اليوم
- ابرى
-عصير برتقال
- ليمون
-ابرى ابيض
طبعا صحن الطعمية عندنا فى رمضان ثابت وسبق ان ذكرت عمله
اما السجك فطبعا بنشترى لولى وهو طاعم وجميل واقوم بتحميره ممكن اضيف له بسيط من الصلصة مع الزيت وبسيط من الماء وممكن يحمر بدون صلصة على المزاج طبعا
اها نجى للقراصة وطبعا دائما بنحب دقيق القمح مع القراصة وبعد عجنة واضافت الخميرة له يضع للتخمير وطبعا ممكن تتعمل فى الصاج وممكن فى الطوه على حسب الموجود .اما الدمعة فاخترت لكم كيلو لحمة باضافة كمية البصل للزيت وتكون مناسبة وبعد ان تدوب البصلة تضاف الصلصة والبهارات وتسبك لتكون مضبوطة . اما البيض على حسب الطلب انا اخترت 8 قطع
اها انتهيت اقوم ارص ليكم
- صحن رص كبير للقراصة بالدمعة
- صحن للبيض يقطع بالقطاعة الخاصة به نظام شرائح
- صحن للسجك
- صحن طعمية
- صحن صلطة خضراء وبرضو صحن الصلطة ثابت يوميا
- اها الليلة البيليلة كبكبى باضافة البلح اصلى امبارح ماعملتها ليكم معليش كنت مرهقة
التحلية : صحن بسبوسة
اها نجى لصينية العصائر:
طبعا الابرى ثابت يوميا
- الليلة ياجماعة عشان الطلب ح اعمل العصائر فى جرادل صغيرة
- جردل صغير ابرى
- عصير ليمون
-جردل صغير برتقال
- اما الابرى الابيض اكيد الاغلبية لايعرفونه كده اشرحه ليكم طبعا عبارة عن دقيق ابيض يضاف له البهارات ذى الابرى لكن ابيض وحامض اها بيعوسوه طبعا لذيذ وحلو
خليتكم بعافية وبالهنا
بو محفوظ 2009
n73n73n73@hotmail.com
