السلام عليكم
قولك فيه شايب منسم <<<<
كل يوم وهو في البنك ...يعني شبه يومي يجي البنك ويدخل في حسابه ((5000)) ريال
الهم جلس مدة طوووويلة وهو على هذه العادة ...
استغرب منه مدير البنك .. وبداء يشك في هذا الشايب .. فقال للموظفين اللي في البنك
إذا جالكم هذا الشايب مره ثانية حوولوه على مكتبي على طوول ابي اعرف وش قصته
ولما رجع الشايب ذا العله للبنك يبي يودع دراهمه في حسابه مسكوه الموظفين وحوله على مدير البنك
استقبله مدير البنك .. وعطاه شاي ودبا يساله من أين لك هذا من وين تجيب هالفلوس يامخرف
المدير ... انت تاجر
الشايب: لا
المدير ...طيب لك عيال موظفين ولا تجار ..
الشايب :لا
المدير ... طيب اورث شي ولا حرامي ولا نصاب ..
الشايب لا
المدير ... طيب من وين تجيب هالفلوس هذه ؟؟
الشايب : أتـــــحــــــدا الناس
المدير ... كيف ؟
الشايب: تتحداني الحس عيني بلساني
المدير اتــــــــــــــحــــــــــــــداك ياشيخ
الشايب : اذا لحستها تعطيني ((5000)) ريال
المدير : اعطيك ياشيخ بس اشوف
الشايب طلع عينه التركيبه ولحسها بالسانه .. وخذا من المدير ((5000)) ريال
الشايب مرة ثانيه ....تتحدا يالمدير أني اعظ أذني ؟؟؟
المدير اتحداك انت وجهك ولك (5000) ريال
الشايب طلع اسنانه التركيبه واعظ اذنه .. واخذ (5000) ريال <<<منتهاها هالشايب
صار مع الشايب (10000) ريال وحطها في حسابه
اليوم الثاني دخل الشايب البنك ...
المدير ... يابو عين تركيبه <<< ياحرام مقهور
الشايب : هلا . تبي تتحدا بعد
المدير : لالا ... بس تكفى رجع الفلوس والله ماهي
لي .. ماخذها من حساب واحد في البنك
الشايب: طيب تتحداني.. وإذا غلبتني أرجع فلوسك..
وإذا غلبتك ماخذ منك ولا هللة
الدير .. فرحان ... قدام .. الكل اتحداك واتحدا
ابوك ...<<< ماصدق خبر المسكين .. يبي يرجع الفلوس
الشايب تحداني اعرف لون سروالك؟؟
المدير: اتحداك ياشيخ
الشايب : لووووونه ازرق
المدير : كـــــــــــــــــذاب
الشايب طيب افسخ سروالك خلني اشوفه
المدير : ها شف سروالي لونه ابيض
الشايب التفت على اللي وراه (جميع الصرافين) وقال
كل واحد يجيب (5000) ريال
لاني تحديتكم ان المدير يفسخ سرواله وهذا هو قدامكم مفسخ
قايل لكم موب هين هالشايب ولا يهونون بعض الناس
عاد وش رايكم بالشايب
