السالفه و ما فيها

السلام عليكم ورحمة الله وبركاته

السالفه وما فيها أبي خمس دقايق من وقتك الغالي يا غالي ..وإذاماعندك وقت خلاص قفل
الرساله ومتى ما فضيت إقراها .. وإنت هادي ورايق ومركز زين زين ..
أرجوك تقرا هذي الرساله إلى الأخير .. وتأكد إنك إنت المستفيد وراح تحس براحه رهيبه
:
شوف حبيب قلبي .. أكيد إنك شايف الناس هالأيام كيف قاعدين يسعون ويتفننون في طلب
الرزق .. هذا راح ياخذ قرض ودخل بالأسهم وهذاك طول يومه بمعارض السيارات والثاني
احترق وجهه بالصناعيه وهذاك طاحت عيونه من كثر ما درس وسهر وتعلم .. وهذا ما عاد
شاف أهله من كثر ما يدور بالمخططات والمساهمات العقاريه .. و و و و و .. وبصراحه ما
أحد يلومهم .. الكل يبي رزقه يكثر وينبسط بحياته ..
بس فيه شغله ناس كثير جدا جدا ما فكروا فيها .. حتى أكبر العقليات الإستثماريه ما
جت على بالهم إلا من رحم ربي .. يقول الله سبحانه وتعالى { فقلت استغفروا ربكم إنه
كان غفارا*يرسل السماء عليكم مدرارا*ويمددكم (بأموال) وبنين ويجعل لكم جنات ويجعل
لكم أنهارا * } ..
الإستغفار : يا ناس يا عالم الإستغفار سبب رئيس لأشياء حلوه في حياتنا .. أشياء
ياما وياما تمنيناها ..
من فينا ما يحب المطر ..؟
من فينا ما يحب المال ..؟
من فينا ما يحب يكون عنده أولاد وبنات ..؟
من فينا ما يحب يعيش بوسط جنات وأنهار في الحياه الدنيا ..؟
هذي كلها أشياء خياليه .. من جد خياليه .. وماهي صعبه ولا مستحيله على رب العالمين
سبحانه .. الله قادر إنه يحققها لنا .. بس إذا حققنا المطلوب منا .. وش المطلوب منا
..؟
شي واحد وبس .. ولا أسهل منه .. {الإستغفار} والإكثار منه .. طيب أوكي والنتيجه ..؟
أنا أقولك النتيجه :
النتيجه عسى ربي يحفظك ويسلمك إن الإستغفار سبب في نزول المطر {بإذن الله} .. وسبب
في زيادة الرزق وبالعربي زيادة المال .. وسبب في إن الواحد منا يرزق بالذريه
الصالحة إن شا الله {البنين} .. وسبب في تحول أراضينا إلى جنات وأنهار .. وهذا مو
كلامي ولا كلام الشيخ فلان أو المطوع فلان أو الداعيه علان .. لا هذا كلام الله
سبحانه ..
الله الله في الإكثار من الإستغفار .. {استغفر الله الذي لا إله إلا هو الحي القيوم
وأتوب إليه} ..
ملاحظه خطيره :
إذا استغفرت ربك الحين أكيد إن لك أجر .. أجل وش رايك لو بعد سنه مثلا ويجي ألف
واحد يستغفرون وإنت لك مثل أجرهم بالضبط .. وش رايك ..؟
طيب تخيل كم عددهم بعد سنتين .. ثلاث .. عشر سنين ؟
طيب تخيل إن هالشي ما يكلفك ولا هلله وحده .. ما يكلفك إلا تقريبا 20 ثانيه .. شلون
..؟
الشغله كلها إنك تشغل البلوتوث .. تعمل بحث .. إتصال .. موافق .. جاري إرسال
البيانات .. تم إرسال البيانات .. وخلاص .. أو إرسلها برسالة وسائط لمن تغليهم من
الناس وماراح تكلفتك إلا نص ريال!
تخيل نفسك يوم القيامه وإنت واقف والله سبحانه يحاسبك .. وقتها تتمنى مو حسنه نص
حسنه .. وما تدري إلا وعندك جبال كبيرة من الحسنات والأجر والثواب .. والسبب رسالة
ما تاخذ من وقتك ولا خمس دقايق في قراءتها وإرسالها .. عشان كذا أرجوك لا توقف
الرسالة عندك ..
اسأل الله العظيم رب العرش الكريم بأسمائه الحسنى وصفاته العلى أن يجعلني وإياك من
أهل الجنة .. آمين .. سبحان الله وبحمده سبحان الله العظيم والحمد لله والشكر لله
ولا اله الا الله واستغفر الله والله اكبر وصلى الله على سيدنا محمد وعلى اله وصحبه
وسلم تسليما كثيرا